شعر لعابره سبيل,,

قصيدة للشاعرة عابرة سبيل ( رحمها الله) مع زوجها

--------------------------------------------------------------------------------

عـــــــــابرة سبيــــــــــــل .. ومن لايعرفها؟؟! ( رحمة الله عليها )..
الكل يودها ويكن لها الاحترام والتقدير ... وان وفاتها لخساره للجميع ولكنه قضاء الله الذي لامفر منه..
واليكم هذه القصيده المؤلمه المحزنه جدا والتي كتبتها بخط يدها اثناء مرضها تخاطب فيها زوجها (أبوعيالها)..
تقول فيها:-
ترى الذبايح وأهلها ماتسليني ***** وأنا أدري ان المرض لايمكن علاجه

ادري تبي راحتي لايابعد عيني ***** حرام ماقصرت ايديك في حاجه

اخذ وصاتي وأمانه لاتبكيني ***** لوكان لك خاطر ماودي ازعاجه

أبيك في يديك تشهدني وتسقيني *****وأمانتك لاتجي جسمي في ثلاجه

لف الكون في ايديك وضف رجليني ***** ماغيرك أحدن كشف حسناه واحراجه

أبيك بالخير تذكرني وتطريني***** اجيرني خالقي من نار وهاجه

سامح على ماجرى بينك وبيني ***** أيام أمشي عدل وأيام منعاجه

عيالي همي وأنا اللي فيني يكفيني ***** علمهم الدين تفسيره ومنهاجه

والمحزن بالموضوع ان زوجها (ابوعيالها)رد عليها بهذه الأبيات التي تتفطر منها القلوب وتدمع منها الأعين..
يقول فيها:

حاولت أنام وحارربت عيني النوم ***** وجريت صوتن مثل صوت الذيابه

الجفن كنه صار ضايق ومهزوم ***** ودموع عيني مثل رس السحابه

على وليف قالوا اليوم مرحوم ***** فارق وراح وماتهنى في شبابه

زرت القبور اللي على بعضها ارسوم ***** وخطيت رسمن فوق ذيك النصابه

قلبي من الدنيا عليه مرسوم ***** والرسم توه عقب خط الكتابه

أحبها مير القدر صار مقسوم ***** ويحبها كل الأهل والقرابه

الموت أخذها واودع القلب مثلوم ***** جرح عميق مايداوي صوابه

الموت أخذ شجعان وارخوم وقروم ***** وأخذ رسول الله وباقي الصحابه.

وللعلم ( كانت رحمة الله عليها هي وزوجها دائما بينهم قصايد , حيث ان زوجها ايضا شاعر .. ولم يكن يعلم انها هي عابرة سبيل الابعد فتره



مــــــــــــــنــــــــــــــــقـــــــــــــــــ ـول







تقبلوا الجديد والجديد من


اخوكم



أبـــــــــو نــــــــــواف

الله يرحمها // ومشكور على النقل

مشكوووووور على النقل

وواصل إبداعك

الله يسلمكم والجاي احلى وافضل ان شاء الله وتقبوا الجديد..

أبو نواف,,