شعر عليك الفرج..

عليك الفرج










عليك الفرج ياالله ياحي ياقيّوم ii
ii إلهٍ عباده كلها تلفت يمّه



الا يارفيقي والله انه عداك اللوم ii
ii انا اللي علي اللوم في ذمتي ذمه



ولكن سامحني ترى العلم فيه علوم ii
ولا يفرح اللي بيننا ينقل النمه



حصل ماحصل والعبد يصبر على المقسوم ii
ii يدور الزمان ويخلف العزم والهمه



طرات الرجل لا لحقه من الزمان هموم ii
ii ما يدري بسده كود خيرة بني عمه



وسيع البنايد في الشدايد قوي عزوم ii
ii لعظك زمانك شال همّك مع همّه



وانا والله اني ماتهنى بحلو النوم ii
ii ورفيقي عليه هموم الايام ملتمه



اشيل الحمل منه واحطّه علي واقوم ii
ii مقام يورد مظمي الما على الجمّه



لكن الزمان الشين ظالم وانا مظلوم ii
ii على الهون ياللي تمدح الوقت وتذمه



تهب الهبايب والسفن في البحور تعوم ii
ii وتقفي بها صلف الهبايب عن اليمه



هبوب تصلفقها وبحر وسما ونجوم ii
ii وموج تقفاه العواصيف وتزمه


أبو نواف..

تسلم ياشاعرنا ،، وصح لسانك

اله يسلمك يالغالي يالذابح وتابع الردود..

أبو نواف,,